ប្រជាកសិករដាំដំណាំមង្ឃុតខេត្តកោះកុងបានអំពាវនាវឲ្យប្រជាពលរដ្ឋខ្មែរចូលរួមគាំទ្រទិន្នផលដែលជាស្នាដៃខ្មែរបង្កបង្កើនបាន!

ប្រជាកសិករដាំដំណាំមង្ឃុតខេត្តកោះកុងបានអំពាវនាវឲ្យប្រជាពលរដ្ឋខ្មែរចូលរួមគាំទ្រទិន្នផលដែលជាស្នាដៃខ្មែរបង្កបង្កើនបាន!

ដំណាំមង្ឃុតគឺជាដំណាំរួមផ្សំហូបផ្លែមួយប្រភេទនៅក្នុងចំណោមផ្លែឈើហូបផ្លែផ្សេងៗទៀតរួមមានះ ស្វាយ. សាវម៉ាវក្រូច.ល្មុត.ទៀប៘ ដែលគេពេញនិយមទទួលទានក្រោយពេលបរិភោគអាហាររួចសម្រាប់ជាបង្អែមលាងមាត់។

ដោយឡែកក្នុងពេលនេះយើងសូមលើកយកដំណាំមង្ឃុតដែលប្រជាកសិករខ្មែរនៅក្នុងខេត្តកោះកុង បង្កបង្កើនផលបានមកបរិយាយជូនទស្សនិកជនឱ្យបានជ្រាបពីការប្រកបមុខរបរដាំដំណាំមង្គុតនេះ។

លោក សំណាង ដែលជាប្រជាកសិកររស់នៅក្នុងឃុំឬស្សីជ្រុំ ស្រុកថ្មបាំងខេត្តកោះកុង ដែលជាអ្នកនិយមចូលចិត្តផ្នែកដាំដំណាំមង្ឃុតនេះ បានរៀបរាប់ឱ្យអ្នកយកព័ត៌មានយើងដឹងថា ចំពោះការបង្កបង្កើនផលដំណាំមង្ឃុតនេះគឺត្រូវចំណាយថវិកាជាច្រើនដើម្បីទិញកូនមង្ឃុតយកមកដាំហើយ ក៏ត្រូវការចំណាយពេលវេលាសម្រាប់ថែទាំមានរយៈពេលជាច្រើនឆ្នាំផងដែរ ទើបទទួលបានផលត្រឡប់មកវិញ។

លោក.សំណាង.បានបន្តទៀតថា ផ្ទៃដីរបស់លោកគឺមានចំនួន ២០ហិតាហើយជំហ៊ានដំបូងគឺលោកដាំបានចំនួន៧០០ដើម ហើយរហូតមកទល់នឹងពេលបច្ចុប្បន្ននេះ ការដាំដំណាំមង្ឃុតរបស់លោកទៅលើទំហំផ្ទៃដីចំនួន ២០ ហិតានោះ គឺបានចំនួន ១៥០០ ដើមទើបពេញដីតែម្ដង។

ប្រជាកសិករផ្នែកដាំដំណាំមង្ឃុតនៅក្នុងស្រុកថ្មបាំងខេត្តកោះកុងបានរៀបរាប់បន្តទៀតថាមានកត្តាជាច្រើនយ៉ាងដែលជាផលវិបាកនៅក្នុងការថែទាំដំណាំមង្ឃុតនេះដូចជា ១.ត្រូវកំចាត់ស្មៅជាប្រចាំ

២.ត្រូវបាញ់ថ្នាំសម្លាប់សត្វល្អិត.៣.ត្រូវមើលថែទឹកឱ្យបានគ្រប់គ្រាន់.ដើម្បីកុំឲ្យដើមមង្ឃុតដែលនៅខ្ចីងាយនិងងាប់គឺដោយសារកត្តាទាំង ៣ យ៉ាងនេះឯង។

ហើយម្យ៉ាងវិញទៀតចំណែកឯរយះពេលដែលទទួលបានផលមកវិញនោះ គឺមានរយៈពេល៧ឆ្នាំ ទើបមង្ឃុតបានផ្ដល់ផលឱ្យ ។

.លោកសំណាងដែលជាប្រជាកសិករដាំដំណាំមង្ឃុតនៅស្រុកថ្មបាំងបានបញ្ជាក់ជាចុងក្រោយថានៅក្នុងអំឡុងពេលដែលមង្ឃុតហុចផលឱ្យវិញនោះគឺក្នុងមួយថ្ងៃលោកអាចបេះបានផ្លែមង្ឃុតបាន ១ តោនទៅ ២ តោន បើមង្ឃុតល្អហើយថ្លែស្មើគ្នា ហើយរយៈពេលទទួលផលគឺមានរយៈពេលពី ១ ខែទៅ ២ខែ។ ចំណែកឯតម្លៃលោកបានលក់ជូនឈ្មួញបន្តក្នុងតម្លៃមួយគីឡូក្រាម ៥០០០ រៀលតែប៉ុណ្ណោះ។

លោកបានសំណូមពរចុងក្រោយថាសូមឲ្យពលរដ្ឋខ្មែរយើងជួយគាំទ្រនិងលើកស្ទួយនូវផលិតផលរបស់ប្រជាកសិករខ្មែរយើងដែលខំបង្កបង្កើនផលបានផង គឺដើម្បីកំរិតជីវភាពនៃការរស់នៅប្រចាំថ្ងៃ៕

ដោយ.ផាន់.តារា