(ផ្ទុះជម្ងឺសត្វគោក្របីងាប់ជាបន្តបន្ទាប់នៅស្រុកកំពង់រោទិសរុបចំនួន ១៨ក្បាល
)
ខេត្តស្វាយរៀង សត្វគោក្របីនៅស្រុកកំពង់រោទិ៍កំពុងផ្ទុះជំងឺសារទឹក និងជំងឺអុតក្តាម ហើយងាប់ជាបន្តបន្ទាប់ចំនួន១៨ក្បាលហើយ។
បើតាមប្រភពពីប្រជាពលរដ្ឋបានឲ្យដឹងថាករណីជំងឺកើតឡើងចំពោះគោក្របីរបស់ពួកគាត់អស់រយៈជាយូរថ្ងៃហើយតែពុំមានថ្នាំព្យាបាលឱ្យបានទាន់ពេលវេលាព្រោះមន្ត្រីបសុពេទ្យគ្មានថ្នាំព្យាបាលដល់ជំងឺសត្វទាំងនេះទេ។
ប្រភពបានបន្តថា ព្រោះមន្ត្រីពេទ្យសត្វចុះមកចាក់ថ្នាំគោក្របី ជាពេទ្យសត្វភូមិមិនមានថ្នាំសម្រាប់ការចាក់ឬបង្ការឲ្យគ្រប់គ្រាន់នោះឡើយ។
បើមន្ត្រីកសិកម្មស្រុកកំពង់រោទិ៍ បានឲ្យដឹងថា ករណីផ្ទុះជំងឺសារទឹក និងអុតក្តាម ទៅលើសត្វគោក្របីរបស់ប្រជាពលរដ្ឋនៅស្រុកកំពង់រោទិ៍ មាន១១ឃុំគិតក្នុងខែកក្កដាកន្លងទៅនេះ មានចំនួន៣៩២៥ក្បាល ងាប់១៨ក្បាល និងព្យាបាលជា៣៩០០ក្បាល ក្នុងនោះមន្ត្រីជំនាញ បានចុះសហការជាមួយពេទ្យសត្វភូមិ ដើម្បីធ្វើការព្យាបាលឱ្យបានទាន់ពេលវេលា តែក្នុងការព្យាបាលនេះក៏មានការខ្វះខាតថ្នាំផងដែរ។
បើតាមលោកប៉ែនចន្ធីប្រធានពេទ្យសត្វខេត្តបានឱ្យដឹងថាក្រៅពីស្រុកកំពង់រោទិនៅមានស្រុកស្វាយជ្រំក៏មានជម្ងឺនិងងាប់ចំនួន ០៥ក្បាលដែរនឹងស្រុកចន្រ្ទាក្រុងបាវិតត្រូវបានព្យាបាលទាន់ពេលវេលាបច្ចុប្បន្នកំពុងមានការខ្វះខាតហើយលោកក៏បានធ្វើសំណើទៅដល់ក្រសួងកសិកម្មនិងរុក្ខាប្រមាញ់និងនេសាទដើម្បីឧបត្ថម្ភថ្នាំយកមកវ៉ាក់សាំងបន្តចែកជូនបងប្អូនប្រជាពលរដ្ឋដែលមានគោក្របីដែលកំពុងឈឺបន្តទៀត៕
