អភិបាលស្រុកបទុមសាគរបានដឹកនាំមន្ត្រីរាជការចូលរួមកាន់បិណ្ឌវេនទី១៣នៅវត្តអង្គសិលាមុនី ហៅ វត្តថ្មស!
កោះកុងថ្ងៃសុក្រទី២៣ខែកញ្ញាឆ្នាំ២០២២
នាព្រឹកថ្ងៃទី ២៣ខែកញ្ញាឆ្នាំ២០២២នេះលោក ក្រូច បូរីសីហា អភិបាល នៃគណៈអភិបាលស្រុកបូទុមសាគរ ដឹកនាំមន្ត្រីរាជការ នៃរដ្ឋបាលស្រុកបានអញ្ជើញប្រារព្ធពិធីបុណ្យកាន់បិណ្ឌ-ភ្ជុំបិណ្ឌទី១៣ ក្នុងព្រះវស្សា ព.ស.២៥៦៦ គ.ស.២០២២នាវត្តគិរីអង្គសិលាមន្ន៏(វត្តថ្មស) ភូមិថ្មស ឃុំថ្មស ស្រុកបូទុមសាគរ ខេត្តកោះកុង ដើម្បីទំនុកបម្រុងដល់ព្រះសង្ឃអង្គសាវ័ក ដែលគង់ចាំព្រះវស្សា និងថែរក្សាប្រពៃណីជាតិ ក្នុងព្រះពុទ្ធសាសនា។
ក្នុងកិច្ចប្រារព្ធពិធីបុណ្យកាន់បិណ្ឌទី១៣ នេះផងដែរ លោកអភិបាលស្រុក និងលោកស្រី អ៉ិន សោភ័ណ្ឌ អភិបាលរងស្រុក បាននាំយកទេយ្យវត្ថុ មាន គ្រឿងឧបភោគ បរិភោគ បច្ច័យថ្វាយប្រគេនព្រះសង្ឃ ដើម្បីជាប្រយោជន៍ឧទ្ទិសមហាកុសលផលបុណ្យ ជូនជីដូន ជីតា មាតា បិតា ញាតិការគ្រប់ៗសន្តាន និងជូនដល់វិញ្ញាណក្ខន្ធ នៃបុព្វការីជន អ្នកស្នេហាជាតិមាតុភូមិ ព្រមទាំងវិញាណក្ខន្ធ នៃប្រជាជនកម្ពុជា ដែលបានអនិច្ចកម្មនារបប់៣ឆ្នាំ ៨ខែ និង២០ថ្ងៃ។
ក្នុងឱកាសនោះ លោក អភិបាលបានជូនបច្ច័យ ដល់លោកតា លោកយាយ និងឆ្លៀតពេលសំណេះសំណាល សួរសុខទុកបងប្អូនប្រជាពល រួចធ្វើការណែនាំខ្លួន ដល់លោកតា លោកយាយព្រមទាំងបងប្អូនប្រជាពុទ្ធបរិស័ទចំណុះជើងវត្ត និងគោរពជូនពរទទួលបានព្រះពុទ្ធពរ៤គឺ៖ អាយុ វណ្ណៈ សុខៈ ពល ជានិច្ចនិរន្តរ៍តរៀងទៅ៕
ដោយ ប៉ែន.សំបូរ
