លោកជំទាវ ង៉ែត ណារីន ដឹកនាំក្រុមការងារ ទៅកម្សាន្តនៅរមណីយដ្ឋានប្រាសាទកោះកេរ និងប្រសាទព្រះវិហារ

លោកជំទាវ ង៉ែត ណារីន ដឹកនាំក្រុមការងារ ទៅកម្សាន្តនៅរមណីយដ្ឋានប្រាសាទកោះកេរ និងប្រសាទព្រះវិហារ

(កំពង់ធំ)÷   លោកជំទាវ ង៉ែត ណារីន ប្រធានមន្ទីរព័ត៌មានខេត្តកំពង់ធំ បានដឹកនាំក្រុមការងារ និងមន្រ្តីទៅកម្សាន្តនៅរមណីយដ្ឋានប្រសាទកោះកេរនិងរមណីយដ្ឋានប្រាសាទព្រះវិហារ ដែលបានចុះក្នុងបញ្ជីសម្បត្តិបេតិកភណ្ឌពិភពលោក កាលពីពេលថ្មីៗនេះ ស្ថិតក្នុងភូមិស្រយ៉ង់ជើង ឃុំស្រយ៉ង់ ស្រុកគូលែន ខេត្តព្រះវិហារ នាថ្ងៃទី៣០ ខែកញ្ញា ឆ្នាំ២០២៣។

លោកជំទាវ ង៉ែត ណារីន បានមានប្រសាសន៍ថា រមនីយដ្ឋានបុរាណវិទ្យា ប្រាសាទព្រះវិហារ បានចុះបញ្ជីនៅក្នុងឆ្នាំ២០០៨ ទំហំ២.៦៤៣ហិកតា និងប្រាសាទកោះកេរ មានទីតាំងនៅក្នុងខេត្តព្រះវិហារ ហើយរមណីដ្ឋាននេះស្ថិតនៅលើផ្ទៃដីប្រមាណ ៨.០០០ហិកតា ដែលមានប្រាសាទជាង៧០ ក្នុងនោះមានប្រាសាទធំមួយ ដែលត្រូវបានចាត់ទុកជាពីរ៉ាមីតនៅអាស៊ីអាគេ្នយ៍។  កោះកេរជាអតីតរាជធានីរបស់ខ្មែរក្នុងសតវត្សរ៍ទី១០ ដែលមានអាយុកាលជាង១ពាន់ឆ្នាំមកហើយ ហើយត្រូវបានកសាងដោយព្រះបាទជ័យវរ្ម័នទី៤ នៅពេលផ្លាស់ប្តូររាជធានីពីក្រុងអង្គរមកតំបន់កោះកេរ។

លោកជំទាវ  ប្រធានមន្ទីរព័ត៌មានខេត្តកំពង់ធំ បានលើកឡើងទៀតថា ដើម្បីអបអរសាទរព្រឹត្តិការណ៍ជាប្រវត្តិសាស្ត្រនៃការចុះបញ្ជី (រមណីយដ្ឋានប្រាសាទកោះកេរ)ជាសម្បត្តិបេតិកភណ្ឌពិភពលោក សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា កាលពីថ្ងៃទី១៧ ខែកញ្ញា ឆ្នាំ២០២៣  នៅទីក្រុងរីយ៉ាដ ប្រទេសអារ៉ាប៊ីសាអូឌីត ថ្នាក់ដឹកនាំគ្រប់លំដាប់ថ្នាក់ និងមន្ត្រីរាជការប្រជាពលរដ្ឋក្នុងខេត្តកំពង់ធំ បានប្តេជ្ញាចិត្តដាច់ខាតក្នុងការការពារជាតិ សាសនា ព្រះមហាក្សត្រ ថែរក្សាឱ្យបាននូវសុខសន្តិភាព  និងការពារឱ្យបានដាច់ខាតជាមរតកវប្បធម៌របស់ដូនតាខ្មែរយើង។

គូរបញ្ជាកផងដែរថា រមណីយដ្ឋានប្រាសាទកោះកេរនេះ កម្ពុជាមានតំបន់បេតិកភណ្ឌពិភពលោកចំនួន៤ហើយ ក្នុងនោះរួមមាន៖ តំបន់អង្គរត្រូវបានចុះបញ្ជីនៅឆ្នាំ១៩៩២ ទំហំ៤០.០០០ហិកតា  ប្រាសាទព្រះវិហារចុះបញ្ជីឆ្នាំ២០០៨ ទំហំ២.៦៤៣ហិកតា និងតំបន់ប្រាសាទសំបូរព្រៃគុក ចុះបញ្ជីនៅឆ្នាំ២០១៧ ទំហំ៣៩.០០០ហិកតា និងប្រសាទកោះកេរលើផ្ទៃដីប្រមាណ ៨.០០០ហិកតាចុះបញ្ជីនៅឆ្នាំ២០២៣ថ្មីៗនេះ៕ដោយសំនៀង