ខេត្តព្រះវិហារ៖ កាលពីរសៀលថ្ងៃទី២៥ ខែកុម្ភៈ ឆ្នាំ២០២៥ ឯកឧត្តម សុខសានដារ៉ា អភិបាលរងខេត្តព្រះវិហារ តំណាងដ៏ខ្ពង់ខ្ពស់របស់ ឯឧត្តម គីម រីទ្ធី អភិបាលខេត្តព្រះវិហារ លោកប្រធានមន្ទីបរិស្ថានខេត្ត លោកមឿន សុ ផេន លោកមាសញឹម អនុប្រធានដែនជម្រកសត្វព្រៃភ្នំត្នោត-ភ្នំពកមន្ត្រីស្នាក់ការថ្មគ្រោង និងស្នាក់ការព្រះខ័ន្ធ រួមទាំងមន្ត្រីរដ្ឋបាលស្រុកគូលែន និងកងកម្លាំងសហការទាំងបី និងប្រជាពលរដ្ឋចូលរួមជាង១០០នាក់កម្មវិធីនេះប្រព្រឹទ្ធទៅ នៅភូមិផ្អោប ឃុំស្រយ៉ង ស្រុកគូលេន ខេត្ត ព្រះវិហារ ។
ក្នុងឱកាសនោះផងដែរ ឯកឧត្តម សុខសានដារ៉ាអភិបាលរង គណៈអភិបាលរងខេត្តព្រះវិហារ លោកប្រធាន អនុប្រធានមន្ទីរបរិស្ថាន ចុះទៅចំណុចប្រអោប ជួបសំណេះសំណាលនិងផ្សព្វផ្សាយដល់ប្រជាពលរដ្ឋពាក់ព័ន្ធ និងភ្លើងឆេះព្រៃ និងបញ្ឈប់ក្នុងការប្រើប្រាស់កាំភ្លើងកែច្នៃ ដែលបរបាញ់សត្វព្រៃក្នុងតំបន់ការពារខុសច្បាប់។
ម្យ៉ាងទៀត ឲ្យប្រជាពលរដ្ឋទាំងនោះស្គាល់អំពីអត្ថប្រយោជន៍នៃបរិស្ថាន និងរួមគ្នាអភិរក្សសត្វព្រៃ និងធនធានធម្មជាតិ ដើម្បីឲ្យគង់វង្ស និងទាញយកភ្ញៀវទេសចរណ៍ ឲ្យចូលមកទស្សនា ដូចជាការមើលសត្វព្រៃ ដើម្បីប្រមូលធនធាន មកធ្វើការអភិវឌ្ឍន៍ដូចជាផ្លូវថ្នល់ នៅក្នុងតំបន់ជុំវិញ<<ភ្នំត្នោត-ភ្នំពក>>របស់យើង។ ហើយក៏បានសំណូមពរផងដែរ ដល់ប្រជាពលរដ្ឋ ឲ្យចូលរួមចំណែកក្នុងការពន្លត់ភ្លើងបើពេលឃើញភ្លើងឆេះ និងកុំនាំគ្នាដុតព្រៃ ដែលធ្វើឲ្យឆេះរាលដាល ធ្វើឲ្យសត្វព្រៃរបស់យើងគ្មានជម្រក។
បន្ទាប់លោកអនុប្រធានមេភូមិម្រេច ក៏បានលើកឡើងស្នើសុំឈើធ្វើផ្ទះ សម្រាប់គ្រួសារថ្មី (ដូចជាឈើដួលនិងឈើក្រាក់ជាដើម)មិនតែប៉ុណ្ណឹង ក៏មានការប្ដេជ្ញាចិត្តរបស់ប្រជាពលរដ្ឋ ផងដែរថា មិនដុតភ្លើងព្រៃ មិនបរបាញ់សត្វព្រៃ និងមិនរុករានដីព្រៃ ដើម្បីយកធ្វើជាកម្មសិទ្ធិទៀតឡើយ។ ទន្ទឹម និងនោះផងដែរ ដីចាស់ដែលកសិករអាស្រ័យផលកន្លងមកក្នុងតំបន់ការពារ ហើយក៏បានសំណូមពរដល់មន្ត្រីជំនាញ សូមឲ្យមានការសម្របសម្រួល ឲ្យបានធ្វើបន្តទៀតផង។
ក្រោយពីការជួបប្រជុំសំណេះសំណាលជាមួយប្រជាពលរដ្ឋនៅក្នុងចំណុចភូមិអោបរួចមក ឯកឧត្តមអភិបាលរង គណៈអភិបាលខេត្ត លោកប្រធាន អនុប្រធានមន្ទីរ និងអនុការិយាល័យទទួលបន្ទុកដែនជម្រកសត្វព្រៃ <<ភ្នំត្នោត-ភ្នំពក>> ក៏បានជួបប្រជុំសំណេះសំណាល និងពង្រឹងវិន័យបន្ថែមលើការអនុវត្តការងារ របស់មន្ត្រីទាំងអស់ និងសុំឱ្យមានការអនុវត្តច្បាប់ឱ្យបានត្រឹមត្រូវ៕
