ឃាត់ខ្លួនមនុស្ស ៥នាក់ រួមទាំងកាំភ្លើងច្នៃ ២ដើមទៅអនុវត្តច្បាប់ពីបទរក្សាទុកគ្រឿងញៀនជាច្រើនកញ្ចប់
សមត្ថកិច្ចតំបន់ព្រំដែនស្រុកកំរៀងបានឃាត់មនុស្សចំនួន ៥នាក់ រួមទាំងកាំភ្លើងច្នៃ ២ដើមរួចបញ្ជូនដើម្បីអនុវត្តច្បាប់ក្រោយរកឃើញរក្សាទុកគ្រឿងញៀនជាច្រើនកញ្ចប់។
លោកវរសេនីយ៍ឯក សុខ និមល នាយការិយាល័យប្រឆាំងគ្រឿងញៀននៃស្នងការនគរបាលខេត្តបាត់ដំបងបានប្រាប់ឲ្យដឹងថា÷ ក្រោយការបង្ក្រាបបានករណីខាងលើ នៅថ្ងៃទី ២៩ ខែមិថុនា ឆ្នាំ ២០២១នេះកម្លាំងជំនាញបានបំពេញបែបបទបញ្ជួនជនសង្ស័យទាំងអស់ទៅកាន់តុលាកាខណ:ជាប់ពាក់ព័ន្ធនឹងបទល្មើសជាក់ស្តែងដែលប្រព្រឹត្តឡើងនៅត្រង់ចំណុចក្រុមទី ០៤ ក្នុងភូមិទួលទិល ឃុំតាក្រី ស្រុកកំរៀង ខេត្តបាត់ដំបង។
ជនសង្ស័យទាំង ០៥នាក់មានឈ្មោះវ៉ន ប្រុស ភេទប្រុស អាយុ២៧ឆ្នាំ. ឈ្មោះវុធ វណ្ណាភេទប្រុស អាយុ ១៨ឆ្នាំ. ឈ្មោះរត្ន័ ប៊ុនរ៉េត ភេទប្រុស អាយុ ៤១ឆ្នាំ. ឈ្មោះសេង សុី ភេទប្រុសអាយុ ៣៥ឆ្នាំ និងឈ្មោះតូន តុងភេទប្រុស អាយុ ៣៥ឆ្នាំ ទាំងអស់គ្នារស់នៅ ភូមិជ្រាំងបាក់ ឃុំឃ្លាំងមាស ស្រុកបវេល និងមួយចំនួនទៀតរស់នៅក្នុងភូមិក្តុលលើ ឃុំក្តុលតាហែន ស្រុកបវេល
ខេត្តបាត់ដំបង។
ក្រោយការឆែកឆេរកម្លាំងបង្ក្រាបដកហូតវត្ថុតាងបានមួយចំនួនរួមមាន: ម្សៅក្រាមពណ៍សថ្លាច្រកថង់ប្លាស្ទិកចំនួន ០៧ ថង់តូច. ម៉ូតូហុងដាទ្រីមចំនួន ០២គ្រឿង. ខ្សែកលោហ:ធាតុពណ៍លឿងចំនួន ០៣ខ្សែ. ជញ្ជៀនលោហ:ធាតុពណ៍លឿងចំនួន ០៣វង់. ប្រាក់រៀលចំនួន ៦០០ ០០០រៀល. ប្រាក់បាតថៃចំនួន ១០៧០បាត. ទូរសព្ទ័ដៃចាស់ចំនួន ០២គ្រឿង. កាំភ្លើងច្នៃ ២ដើម និងឩបករណ៍ប្រើប្រាស់មួយចំនួនទៀត។
កម្លាំងការិយាល័យជំនាញនៅថ្ងៃទី ២៩ ខែមិថុនា ឆ្នាំ ២០២នេះ បានរៀបចំបញ្ជូនជនសង្ស័យ ក៏ដូចជាវត្ថុតាងទាំងអស់ទៅអនុវត្តទោសតាមនីតិវិធី៕
