បើកម៉ូតូលឿនពេលយប់មើលមិនឃើញបុករថយន្តចតចោល ស្លាប់២នាក់របួសធ្ងន់ម្នាក់

បើកម៉ូតូលឿនពេលយប់មើលមិនឃើញបុករថយន្តចតចោល
ស្លាប់២នាក់របួសធ្ងន់ម្នាក់
កណ្តាល៖យុវជនម្នាក់បានស្លាប់ភ្លាមៗនៅហ្នឹងកន្លែងចំណែកម្នាក់ទៀតស្លាប់ពេលប ញ្ជូនទៅដល់មន្ទីរពេទ្យហើយម្នាក់ទៀតរបួសធ្ងន់ក្រោយជិះម៉ូតូបុករថយន្តកុងទីន័រចតចោលលើចិញ្ចើមផ្លូវ៖
លោកវរៈសេនីយ៍ឯក ព្រុំ សំណាង អធិការនគរបាលស្រុកកៀនស្វាយ បានឱ្យដឹងថា គ្រោះថ្នាក់ចរាចរណ៍នេះ បានកើតឡើងកាលពីវេលាម៉ោង២០និង២៥នាទីយប់ ថ្ងៃទី០២ កក្ត ដា ២០២១ នៅលើផ្លូវជាតិលេខ១ ត្រង់ចន្លោះគីឡូម៉ែត្រ១៨-១៩ ស្ថិតក្នុងភូមិទួលក្របៅ ឃុំគគីរ ស្រុកកៀនស្វាយ ខេត្តកណ្តាល។ ជនរងគ្រោះទាំង៣នាក់ រួមមាន ទី១ ឈ្មោះ គល់ សី
ហាមុន្នី ភេទប្រុស អាយុ១៨ឆ្នាំ មានទីលំនៅភូមិទួលត្នោត ឃុំគគីរ ស្រុកកៀនស្វាយ ជាអ្នកបើកបរម៉ូតូ បានស្លាប់ភ្លាមៗនៅហ្នឹងកន្លែង ទី២ ឈ្មោះ ឃុន សូវិចារ ភេទប្រុស អាយុ១៨ឆ្នាំមានទីលំនៅភូមិជ្រោយតាប៉ា ឃុំគគីរ ស្លាប់ពេលបញ្ជូនទៅដល់មន្ទីរពេទ្យ និងទី២ ឈ្មោះ ឡុង គឹមលាង ភេទប្រុស អាយុ១៨ឆ្នាំ មានទីលំនៅភូមិដូន ស ឃុំគគីរ ស្រុកកៀនស្វាយ រងរបួសធ្ងន់។
លោកអធិការបានបន្ថែមថា នៅវេលាកើតហេតុខាងលើ ឈ្មោះ គល់ សីហាមុន្នី បានជិះម៉ូតូ១គ្រឿង ម៉ាក ហុងដា Beat ពណ៌ ស ពាក់ស្លាកលេខ កណ្តាល 1A.1684 ឌុបមិត្តភក្រ្ត័ ២ នាក់ខាងលើ តាមផ្លូវជាតិលេខ១ ក្នុងទិសដៅពីលិច ទៅ កើត ( ភ្នំពេញ-អ្នកលឿង )។ ពេលបើកមកដល់ចំណុចកើតហេតុ បានបុកពីក្រោយ រថយន្តសណ្តោងរ៉ឺម៉ក ម៉ាក នីសាន់ ពណ៌ទឹ កប្រាក់ ពាក់ស្លាកលេខ ភ្នំពេញ 3A.8629 មួយគ្រឿង ដែលចតឈប់ចោលនៅជញ្ជើមផ្លូវ ដោ
យគ្មានដាក់ភ្លើងឬស្លាកសញ្ញាសម្គាល់ ពេញទំហឹង។ បណ្តាលឱ្យអ្នកបើកបរម៉ូតូ ស្លាប់នៅហ្នឹ
ងកន្លែងចំណែក អ្នកជិះខាងក្រោយ២នាក់រងរបួសធ្ងន់ ត្រូវបានដឹកយកទៅសង្គ្រោះបន្ទាន់ ប៉ុ
ន្តែ ដោយរបួសធ្ងន់ពេក ម្នាក់បានស្លាប់នៅពេលបញ្ជូនទៅដល់មន្ទីរពេទ្យ ហើយក្រោយកើតហេតុ អ្នកបើកបររថយន្តក៏បានរត់គេចបាត់។ បន្ទាប់ពីធ្វើការវាស់វែង ជំនាញក៏បាននាំយកវត្ថុតាង រថយន្តនិងម៉ូតូ មករក្សាទុកនៅអធិការដ្ឋាននគរបាលស្រុកកៀនស្វាយ ដើម្បីរង់ចាំធ្វើការដោះស្រាយគ្នាតាមច្បាប់នៅពេលក្រោយ ដោយឡែកសពជនរងគ្រោះ ក៏បានប្រគល់ជូនក្រុមគ្រួសារ នាំយកទៅធ្វើបុណ្យតាមប្រពៃណី៕