គ្រាន់តែរឿងបន្តិចបន្តួចក៏បង្ករអោយមានអំពើរហិង្សារហូតដល់ផ្ទុះអាវុធ
ភ្នំពេញ: ផ្ទុះហិង្សាដាក់គ្នាទៅវិញទៅមក រហូតឈានដល់មានការផ្ទុះអាវុធជាង១០គ្រាប់ បណ្ដាលឱ្យរងរបួសធ្ងន់ម្នាក់ រួចក្រុមជនសង្ស័យបានឡើងជិះរថយន្ត គេចខ្លួនចេញពីកន្លែងកើតហេតុ។
ហេតុការនេះបានកើតឡើងនៅថ្ងៃទី០៤ ខែមេសា ឆ្នាំ២០២២ នៅចំណុចខុនដូមួយកន្លែងក្បែរអតីតខារ៉ាអូខេ អ៊ិចធូ តាមបណ្ដោយផ្លូវលេខ៥៥ កែងផ្លូវលេខ២២២ ក្នុងមូលដ្ឋានសង្កាត់បឹងរាំង ខណ្ឌដូនពេញ រាជធានីភ្នំពេញ។ បុរសជាជនបរទេសម្នាក់បានរងរួសធ្ងន់ត្រូវបានបញ្ជូនទៅសង្គ្រោះនៅមន្ទីរពេទ្យភ្លាមៗ បន្ទាប់ពីផ្ទុះហិង្សាដាក់គ្នាទៅវិញតៅមករហូតឈានដល់មានការផ្ទុះអាវុធជាង១០គ្រាប់ ខណៈចុះពីខុនដូជាមួយគ្នា។
នៅមុនពេលកើតហេតុគេឃើញមានជនជាតិបរទេសមួយក្រុមបានចុះពីខុនដូកន្លែងកើតហេតុ និងមានការឈ្លោះប្រកែកគ្នា និងបានប្រតាយប្រតប់គ្នារហូតឈានដល់ផ្ទុះអាវុធជាង១០គ្រាប់បណ្ដាលឱ្យរងរបួសធ្ងន់ម្នាក់ រួចក្រុមជនសង្ស័យបានឡើងជិះរថយន្តមួយគ្រឿងម៉ាកសូដេសមិនចាំស្លាកលេខគេចខ្លួនចេញពីកន្លែងកើតហេតុបាត់តែម្ដង។
ភ្ញាក់ផ្អើលដល់បងប្អូនប្រជាពលរដ្ឋក៏ដូចជាសមត្ថកិច្ចមូលដ្ឋានចុះដល់កន្លែងកើតហេតុ និងបានបញ្ជូនជនរងគ្រោះទៅមន្ទីរពេទ្យកាល់ម៉ែតដើម្បីសង្គ្រោះបន្ទាន់។ ទីតាំងកើតហេតុត្រូវបានកម្លាំងសមត្ថកិច្ច ដាក់ខ្សែហ៊ុមព័ទ្ធដើម្បីពិនិត្យធ្វើការស្រាវជ្រាវស្វែងរកក្រុមជនសង្ស័យមកផ្តន្ទាទោសតាមនីតិវិធី៕
ដោយ. ដោយ តាំង វ៉ៃ
