មន្ទីរព័ត៌មានខេត្តព្រះវិហារ ប្រជុំបូកសរុបការងារត្រីមាសទី២ ឆ្នាំ២០២២ ដឹងលើកទិសដៅការងារនៅខែបន្ទាប់

មន្ទីរព័ត៌មានខេត្តព្រះវិហារ ប្រជុំបូកសរុបការងារត្រីមាសទី២ ឆ្នាំ២០២២ ដឹងលើកទិសដៅការងារនៅខែបន្ទាប់

ខេត្តព្រះវិហារ ÷ កិច្ចប្រជុំបូកសរុបលទ្ធផលសកម្មភាពការងារប្រចាំត្រីមាសទី២ ឆ្នាំ២០២២ របស់មន្ទីរព័ត៌មានខេត្តព្រះវិហារ ត្រូវបានធ្វើឡើងនាព្រឹកថ្ងៃទី ២៩ ខែមិថុនា ឆ្នាំ ២០២២ ក្រោមអធិបតីភាព លោកស្រី ហែម សុគុណពិសី ប្រធានមន្ទីរព័ត៌មានខេត្តព្រះវិហារ និងមានការចូលរួមពីលោកអនុប្រធានទាំង២ មន្ត្រីរាជការនិងមន្ត្រីកិច្ចសន្យាជាច្រើនរូបទៀត ។
លោកស្រី ហែម សុគុណពិសី ប្រធានមន្ទីរព័ត៌មានខេត្ត បានសម្ដែងនូវការកោតសរសើរនិងវាយតម្លៃខ្ពស់ចំពោះថ្នាក់ដឹកនាំមន្រី្តនៃការិយាល័យទាំង៥ របស់មន្ទីរ ដែលក្នុងរយៈពេលកន្លងមកនេះបានខិតខំប្រឹងប្រែងក្នុងការបំពេញការងារតាមជំនាញរបស់ខ្លួនយ៉ាងយកចិត្តទុកដាក់និងទទួលខុសត្រូវខ្ពស់តាមការិយាល័យនីមួយៗ ។
ជាមួយគ្នានោះដែរ លោកស្រីប្រធានមន្ទីរ ក៏បានជំរុញបន្ថែមដល់មន្ត្រីជំនាញទាំងអស់បន្តយកចិត្តទុកដាក់បង្កើនប្រសិទ្ធភាពការងាររបស់ខ្លួនក្នុងវិស័យព័ត៌មានឱ្យបានកាន់តែប្រសើរជាងមុនបន្ថែមទៀត ត្រូវសហការនិងទំនាក់ទំនងគ្នាឲ្យបានល្អក្នុងការផលិតព័ត៌មានឲ្យបានច្រើនជាពិសេសត្រូវរកដំណោះស្រាយរាល់បញ្ហាប្រឈមនានាដែលកើតឡើងនៅរាល់សកម្មភាពការងារ ។
មើលក្នុងនោះដែរ លោកស្រីប្រធានមន្ទីរ បានលើកឡើងថា បើទោះបីសកម្មភាពមួយចំនួនកន្លងមកមានភាពយឺតយ៉ាវក្តី ប៉ុន្តែលទ្ធផលការងាររបស់យើងសម្រេចបានទៅមុខជានិច្ច និងត្រូវដោះស្រាយកែលម្អនិងបំពេញនូវចំណុចខ្វះខាតគឺធ្វើយ៉ាងណារួមគ្នាសម្រេចបាននូវលទ្ធផលការងារឱ្យមានភាពល្អប្រសើរ និងមានសាមគ្គីភាពបន្ថែមទៀតសម្រាប់ខែខាងមុខៗ ។
លោកស្រី ហែម សុគុណពិសី បានសំណូមពរ និងផ្ដាំផ្ញើដល់មន្ត្រីរាជការនៃមន្ទីរព័ត៌មានទាំងអស់ ត្រូវអនុវត្តឱ្យបានខ្ជាប់ខ្ជួនពីវិធានការ ការពាររបស់ក្រសួងសុខាភិបាល ៣ ការពារ ៣ កុំ ដើម្បីការពារជំងឺកូវីត-១៩ ជាពិសេសការរីករាលដាលឡើងវិញនៃជំងឺកូវីដ -១៩ ចូលក្នុងសហគមន៍សារជាថ្មី ។