បាញ់ៗៗបាញ់ទៀតហើយ !នៅខេត្តព្រះសីហនុ ជនដៃដល់បាញ់សម្លាប់ ទម្លាក់ពីរថយន្ត រួចព្យាយាមជិះរត់គេចខ្លួនតែជាអកុសល រថយន្តបានរេចង្កូតបុកបង្គោលភ្លើង បណ្តាលឲ្យស្លាប់២នាក់ និងរបួសធ្ងន់២នាក់ទៀត.!
ខេត្តព្រះសីហនុ: កម្លាំងប្រដាប់អាវុធចម្រុះ បានចុះបង្ក្រាបជនសង្ស័យករណីឃាតកម្មបាញ់សម្លាប់ជនជាតិចិនម្នាក់ ស្ថិតនៅមុខ សណ្ឋាគា៥២០ ភូមិ៦ សង្កាត់៤ ក្រុង/ខេត្តព្រះសីហនុ វេលាម៉ោង០១និង០០នាទី ថ្ងៃទី០៩ ខែសីហា ឆ្នាំ២០២២ ។
តាមប្រភពព័ត៌មានថាមានរថយន្ត០១គ្រឿង ម៉ាកឡង់គ្រីស័រ ពណ៌ស ពាក់ស្លាកលេខភ្នំពេញ ២BA-៦១១១ ជនសង្ស័យបានបើកគេចឆ្ពោះមកផ្លូវជាតិលេខ៤។
ក្រោយទទួលបានព័ត៌មាន កម្លាំងបានល្បាតមកដល់ចំណុចភូមិអណូងថ្ម ឃុំអណ្តូងថ្ម ស្រុកព្រៃនប់ ខេត្តព្រះសីហនុ ក៏បានប្រទះឃើញរថយន្តខាងលើ រថយន្តក៏បានរេចង្កូតមកខាងឆ្វេងដៃ (ទិសដៅទៅភ្នំពេញ)បុកបង្គោលភ្លើងទៅមុខលែងរួច ។
ក្នុងរថយន្តមាន
-មនុស្សចំនួន០៤នាក់ ប្រុសទាំងអស់ (ជនជាតិចិន) មានសភាពរងរបួសធ្ងន់ចំនួន០២នាក់ និងស្លាប់ចំនួន០២នាក់
-អាវុធខ្លីចំនួន០១ដើម ម៉ាកCF
-ខ្នោះដៃ និងសំភារះមួយចំនួន
បច្ចុប្បន្ន ជនសង្ស័យចំនួន០២នាក់(រងរបួស) និងសាកសព បានបញ្ជូនទៅកាន់មន្ទីរពេទ្យខេត្តព្រះសីហនុ ។ ចំនែកឯវត្ថុតាង រក្សាទុក បន្តរនិតិវិធី៕
