សាខាពន្ធដារខេត្តកំពង់ធំបានច្រានចោលទាំងស្រុងចំពោះម្ចាស់ account facebook ឈ្មោះហួរ លីនគ្រុប ទិញ លក់ អចលនទ្រព្យដែលបានបង្ហោះសារថា មន្ត្រីពន្ធដារសាខាខេត្តកំពង់ធំបានជម្រិតទារលុយពីលោក១៥លាន(កន្លែងលក់សាច់គោអាំង)!
បញ្ហាជម្រូងចម្រាស់ទំនាស់ពាក្យសម្ដីរវាងម្ចាស់ក្រុមហ៊ុន លាង ហួរ.ទិញលក់អចលនទ្រព្យ និង មន្ត្រីពន្ធដារសាខាខេត្តកំពង់ធំ បានកើតមានឡើងនាពេលថ្មីៗដែលមានទីតាំងស្ថិតនៅ(កន្លែងលក់សាច់អាំង)ក្នុងភូមិបាល័ង្គ សង្កាត់ដំរីជាន់ខ្លា ក្រុងស្ទឹងសែន ខេត្តកំពង់ធំ។
ទាក់ទងទៅនឹងបញ្ហាទំនាស់ពាក្យសម្ដីរវាង លាង ហួរ ដែលជាម្ចាស់អាខោនfacebook( ឈ្មោះហួរ លីន គ្រុបទិញលក់អចលនទ្រព្យ)និងលោក.ជា.មករា ដែលជាមន្ត្រីពន្ធដារសាខាខេត្តកំពង់ធំ លោក លាង ហួរ បានបកស្រាយឲ្យអ្នកយកព័ត៌មានយើងដឹងថា.
លោក ជា មករា ដែលគេស្គាល់ថាជាមន្ត្រីពន្ធដារសាខាខេត្តកំពង់ធំ ជាញឹកញាប់តែងតែទូរសព្ទទៅទារលុយពីភរិយារបស់គាត់ជាញឹកញាប់ ដោយបានលើកឡើង ថា (ក្រុមហ៊ុនហួរ លីន ទិញលក់អចលនទ្រព្យរ)របស់លោកនៅជាប់បំណុលប្រាក់ពន្ធចំនួន 15 លានរៀលទៀតដែលមិនទាន់បានបង់ពន្ធនៅឡើយ។
លោក លាងហួរ បានបន្តទៀតថា ដោយឡែកនៅថ្ងៃកើតហេតុ វេលាម៉ោង 5:00 និង 30 នាទីនៅល្ងាចថ្ងៃទី 16 ខែមករាឆ្នាំ 2024 កន្លងមកនេះ លោកជា មករាម ន្ត្រីពន្ធដារសាខាខេត្តកំពង់ធំក៏បានជួបប្រទះជាមួយនឹងភរិយារបស់លោកដែលកំពុងតែញ៉ាំសាច់គោអាំងនៅភូមិបាល័ង សង្កាត់ដំរីជាន់ខ្លា ក្រុងស្ទឹងសែនខេត្តកំពង់ធំ លោក ជា មករាក៏បានប្រាប់ទៅភរិយារបស់លោកថាក្រុមហ៊ុនលោកនៅខ្វះប្រាក់ពន្ធចំនួន 15 លានរៀលទៀត។ ក៏ប៉ុន្តែលោកបានចងការប្រាក់គេចេញជំនួសឲ្យហើយ។ដូច្នេះសូមឲ្យក្រុមហ៊ុនលាងហ៊ួ ជួយសងមកលោកវិញផង។
លោក លាង ហួរ បានបន្តទៀតថា លោកជា មករា នៅតែទាមទារឱ្យក្រុមហ៊ុនរបស់លោកបង់ប្រាក់ពន្ធជូនទៅលោក ដោយបានបញ្ជាក់ថា ឱ្យ 3 លានក៏បានឲ្យ2លាន ក៏លោកទទួលយកជាចុងក្រោយ លោក ជា មករា បានបញ្ជាក់ថា 50 រៀលក៏លោកទទួលយកដែរ។ម្យ៉ាងវិញទៀតចំពោះការទាប្រាក់ពីលោក ជា មករា មន្ត្រីពន្ធដារសាខេត្តកំពង់ធំ មិនមានឯកសារជាក់លាក់និងវិក័យប័ត្រគ្រប់គ្រាន់ហើយចេះតែមកទារប្រាក់ពីលោកស្ទើរតែគ្រប់ពេលវេលារហូតធ្វើឲ្យធ្វើឲ្យលោកទ្រាំមិនបានលោកក៏បង្ហោះសារឡើងថាមន្ត្រីពន្ធដារសាខាខេត្តកំពង់ធំទៅជម្រិតទាប្រាក់ពីភរិយារបស់លោកតាមទីសាធារណៈតែម្ដងទៅ។
នេះបើយោងតាមការអះអាងរបស់លោកលាង ហួរ (ម្ចាស់ account facebook ឈ្មោះហួរ លីនគ្រុបទិញលក់អចលនទ្រព្យ)។
បន្ទាប់ពីឃើញការសរសេរសារបង្ហោះពីម្ចាស់អាខោនឈ្មោះ(ហួរលីន គ្រុបទិញលក់អចលនទ្រព្យ)ដែលបានសរសេរសារបង្ហោះមានខ្លឹមសារថា លោក ជា មករាមន្ត្រីពន្ធដារសាខាខេត្តកំពង់ធំ បានជម្រិតទាប្រាក់លោកតាមទីសាធារណៈ(កន្លែងលក់សាច់អាំង)រួចមក។
សាខាពន្ធដារខេត្តកំពង់ធំ ក៏បានចេញសេចក្តីជូនដំណឹង លេខ ០៧០.អពដ.សខ.កធ ដែលចុះនៅថ្ងៃសុក្រ ៩កើតខែបុស្ស ឆ្នាំថោះ បញ្ញាស័ក ព.ស ២៥៦៧ ត្រូវនឹងថ្ងៃសុក្រទី ១៩ខែមករា ឆ្នាំ ២០២៤កន្លងមកនេះដែលមានខ្លឹមសារថា.
.(នាពេលថ្មីៗកន្លងមកនេះសាខាពន្ធដារខេត្តកំពង់ធំបានឃើញនៅសារបង្ហោះរបស់គណនេយ្យហ្វេសប៊ុកឈ្មោះហួរលីនគ្រុប ទិញ លក់អចលនទ្រព្យ ដែលបានបង្ហោះរូបភាពមន្ត្រីពន្ធដារខេត្តកំពង់ធំជម្រិតទាប្រាក់ និងរូបភាពមន្ត្រីពន្ធដារឈ្មោះលោក ជា មករា ដោយសរសេរលើការបង្ហោះនោះថា លោក ជាមករា មន្ត្រីពន្ធដារជម្រិតទាប្រាក់(កន្លែងលក់សាច់គោអាំង)។ ពាក់ព័ន្ធករណីបង្ហោះខាងលើនេះ សាខាពន្ធដារខេត្តកំពង់ធំសូមធ្វើការជូនដំណឹងដល់សាធារណជនទាំងអស់ និង លោក លាង ហួរ ដែលជាម្ចាស់គណនេយ្យហ្វេសប៊ុកឈ្មោះហួរលីនគ្រុប ទិញ លក់ អចលនទ្រព្យ មេត្តាជ្រាបថា សាខាពន្ធដារខេត្តកំពង់ធំសូមច្រើនចោលទាំងស្រុងចំពោះការបង្ហោះខាងលើនេះ។។ មន្ត្រីរាជការពន្ធដារសាខាខេត្តកំពង់ធំ ក៏ដូចជាលោក ជា មករា ពុំបានជំរិតទាប្រាក់ដូចដែលបានលើកឡើងខាងលើនោះទេ។ ចំពោះទឹកប្រាក់ដែលលោក ជា មករា បានប្រាប់ឲ្យលោកស្រី អុឹងណាលីន(ភរិយាលោក លាង ហួរ)បង់គឺជាទឹកប្រាក់បំណុលពន្ធលើពន្ធអចលនទ្រព្យដែលលោក លាង ហួរ ជាម្ចាស់គណនេយ្យហ្វេសប៊ុកខាងលើមិនទាន់បានបង់ មានទឹកប្រាក់ពន្ធសរុបចំនួន៩.៨៩២.៣៤៥ (ប្រាំបួនលានប្រាំបីរយកៅសិបពីពានបីរយសែសិបប្រាំរៀលគត់)លេខបង្កាន់ដៃបញ្ជាក់ការបង់ប្រាក់ពន្ធលើអចលនទ្រព្យលេខ ០០៧៨៦៥៤៤១។
សាខាពន្ធដារខេត្តកំពង់ធំមានការសោកស្ដាយយ៉ាងខ្លាំងចំពោះការលើកឡើងរបស់គណនេយ្យហ្វេសប៊ុកខាងលើ)។
អាស្រ័យដូចបានជម្រាបជូនដំណឹងខាងលើសូមសាធារណៈជន និង លោកលាង ហួរ ម្ចាស់គណនេយ្យហ្វេសប៊ុក ហួរលីន គ្រុប ទិញលក់អចលនទ្រព្យមេត្តាជ្រាបជាព័ត៌មាន៕
