រឿងផ្លែកៗពិភពលោកថ្ងៃនេះ! ជីវិតម៉ែគ្រូទាយជនជាតិយូ កាន់ដា ដែលមិនធម្មតា ព្រោះមានស្វាម៉ីដល់ទៅ៧នាក់ ថែមទាំងគ្រប់គ្នាស្រឡាញ់គ្នាបានល្អ នៅរួមគ្នាដោយគ្មានបញ្ហា នាងបង្ហើបឲ្យដឹង អនាគតអាចមានស្វាម៉ីថែមទៀត។
ម៉ែគ្រូទាយ ជនជាតិយូ កាន់ដាម្នាក់ ក្លាយជាអ្នកមានគេនិយាយដល់យ៉ាងខ្លាំង ទាំងការដែលនាងមានឋាមពលពិសេស អាចប្រើឋាមពលមនុស្សស្លាប់ មកព្យាបាលមនុស្សផ្សេងឲ្យរស់បាន ឬជាការប្រើជីវិតដែលមិនធម្មតា ក្រៅពីនាងទុកសក់វែងរហូតពេញមួយជីវិតហើយ ថែមទាំងមានស្វាម៉ីដល់ទៅ៧នាក់។
នាងនិទានមូលហេតុដែលមានស្វាម៉ីច្រើននាក់ ថា ដើម្បីជាការបម្រើព្រះអាទីទេព្វ ដែលនាងគោរពប្រតិបត្តិ នាងត្រូវមានកូនឲ្យច្រើនបំផុត តាមដែលអាចធ្វើបាន តែថា នាងអាចមានកូនបានត្រឹមតែម្នាក់ ក្នុងស្វាម៉ីម្នាក់ ទើបចាំបាច់ត្រូវរៀបការជាមួយស្វាម៉ីច្រើននាក់ ដែលស្វាម៉ីម្នាក់ៗ បានទទួលការជ្រើសរើសពីព្រះអាទីទេព្វទាំងអស់។
បច្ចុប្បន្ន នាងនៅមិនទាន់បានមានកូនជាមួយស្វាម៉ីអ្នកក្រោយបំផុត នាងថ្លែងថា នាអនាគតអាចហ្នឹងមានស្វាម៉ីបន្ថែមបាន បើវាជាតម្រូវការរបស់ព្រះអាទីទេព្វ”នាងខ្ញុំជាគ្រូសាមញ្ញ នាងខ្ញុំប្រើឋាមពលមនុស្សស្លាប់ដើម្បីព្យាបាលអ្នកផ្សេង ការប្រើឋាមពលនោះនៅតែបន្តមាន នាងខ្ញុំត្រូវរៀបការឲ្យបានមកដែលជាឋាមពល នឹងអំណាច នឹងដើម្បីជាការចៀសវាងការដាក់ទោសពីព្រះអាទីទេព្វ” ។ ស្វាម៉ីទាំង៧នាក់របស់នាង ស្រឡាញ់គ្នាបានល្អ មិនមានបញ្ហា ពួកគេស្នាក់នៅក្នុងផ្ទះម្នាក់មួយខ្នង ជាផ្ទះដែលនាងសង់អោយមុនរៀបការ ម្នាក់ក្នុងចំណោមស្វាម៉ីទាំង៧របស់នាង ថ្លែងថា ពួកគេគ្រប់គ្នាស្រឡាញ់នាង ព្រោះនាងយកចិត្តទុកដាក់ គោរពនឹងផ្ដល់កិត្តយសពួកគេគ្រប់គ្នា ។ នាងបានទទួលការមើលការខុសត្រូវពីស្វាម៉ីគ្រប់គ្នាបានយ៉ាងល្អ ពួកគេហ្នឹងបីនាងឡើងគ្រែស្នែង ធ្វើដំណើរទៅណាមកណា សឹងតែមិនបណ្ដោយឲ្យនាងដើរខ្លួនឯងជាប្រចាំ មើលការខុសត្រូវជាងម្ចាស់ក្សត្រីក៏ថាបាន។
ដោយឡែក រឿងលើគ្រែ នាងជាមនុស្សតែម្នាក់ដែលមានអំណាចក្នុងការសម្រេចចិត្ត ថា ហ្នឹងជ្រើសរើសស្វាម៉ីម្នាក់ណារួមដំណេកជាមួយ ព្រោះនាងសង់ផ្ទះឲ្យស្វាម៉ីក្នុងម្នាក់មួយខ្នង បើថ្ងៃណាត្រូវការដេកជាមួយអ្នកណា នាងហ្នឹងដើរចូលផ្ទះស្វាម៉ីម្នាក់នោះបានហើយ ។ នាងនិយាយដោយសម្លេងដ៏សែនជឿជាក់បំផុត ថា មិនមានស្វាម៉ីណាហ៊ានធ្បើឲ្យទាស់ចិត្ត ព្រោះនាងមានឋាមពលពិសេស ព្រះអាទីទេព្វហ្នឹងបង្ហាញឲ្យឃើញក្នុងនិមិត្ត បើអ្នកណាធ្វើមិនល្អ ក៏ហ្នឹងត្រូវនាងចាត់ការពិតប្រាកដ៕
