តំបន់ប្រតិបត្តិការសឹករងកោះកុង នៅតែបន្តចុះល្បាតត្រួតពិនិត្យ បង្គោលសីមា លើខ្សែបន្ទាត់ព្រំដែនកម្ពុជា-ថៃ !
(កោះកុង) ថ្ងៃច័ន្ទ ទី១៩ខែកុម្ភៈ ឆ្នាំ២០២៤)
កងកម្លាំងយោធាដែលបម្រើកិច្ចការងារការពារតាមបន្ទាត់ព្រំដែនកម្ពុជាថៃដែលមានរយៈចម្ងាយ៥៣គីឡូម៉ែត្រ ពីខេត្តកោះកុងរហូតទៅដល់ព្រំប្រទល់ខេត្តពោធិ៍សាត់ របស់កងកម្លាំងយោធាក្នុងតំបន់ប្រតិបត្តិការសឹករងខេត្តកោះកុង នៅតែបន្តចុះត្រួតពិនិត្យទៅលើបង្គោលសីមាតាមបន្ទាត់ព្រំដែនកម្ពុជាថៃហាក់បីដូចជាភ្លៀងរលឹម។ ក្រោម បទបញ្ជាយពីសំណាក់ លោក ឧត្តមសេនីយ៍ត្រី កែវ វិចិត្រ មេបញ្ជាការតំបន់ប្រតិបត្តិការសឹករងខេត្ត កោះកុង។
យោងតាមអនុសាសន៍របស់លោកឧត្តមសេនីយ៍ត្រី កែវវិចិត្រ មេបញ្ជាការតំបន់ប្រតិបត្តិការសឹករងខេត្ត ជានិច្ចជាកាលលោកតែងតែដាស់តឿនក្រើនរំលឹកដល់កងកម្លាំងយោធាទៅតាមវីរៈសេនាតូចនីមួយៗដែលឈរជើង។តាមគោលដៅត្រូវតែរក្សានិងការពារឲ្យបាននិងក្តាប់សភាពការណ៍ឲ្យបានជាក់លាក់ក្នុងគោលដៅដើម្បីសុខសន្តិភាពជូនជាតិ។
ម្យ៉ាងវិញទៀតយើងត្រូវរឹតចំណង មិត្តភាព កិច្ចសហប្រតិបត្តិការឱ្យបានល្អ ប្រសើរជាមួយនឹងប្រទេសជាមិត្តជិតខាងក្នុងគោលដៅរក្សា សន្តិសុខ មិត្តភាព និងការអភិវឌ្ឍន៍ទៅលើវិស័យផ្សេងៗរួមគ្នាក្នុងគោលដៅដើម្បីភាពចម្រើនរុងរឿងរវាងប្រទេសទាំងពីរគឺកម្ពុជា.ថៃ ៕
ដោយសំនៀង
