(ត្បូងឃ្មុំថ្ងៃចន្ទទី 9 ខែធ្នូឆ្នាំ 2024)
នាពេលថ្មីៗនេះបន្ទាប់ពីមានការចុះផ្សាយពីសំណាក់អ្នកយកព័ត៌មានមួយចំនួនតូចដែលបានធ្វើការចុះផ្សាយចោទប្រកាន់មកលើរូបលោក សឹង គីរីវណ្ឌី នាយកទីចាត់ការផែនការវិនិយោគរបស់ខេត្តត្បូងឃ្មុំថា រូបលោកត្រូវបានក្រុមហ៊ុនដេញថ្លៃមូលនិធិឃុំសង្កាត់ នៅក្នុងខេត្តនិងក្រៅខេត្តត្បូងឃ្មុំកំពុងតែរៀបចំ និង គ្រោងប្ដឹងលោកទៅកាន់អង្គភាពប្រឆាំងអំពើពុករលួយហៅកាត់ថា (acu )និង ប្ដឹងទៅក្រសួងសេដ្ឋកិច្ច និង ហិរញ្ញវត្ថុនោះ។
ទាក់ទងទៅនឹងការចុះផ្សាយលើកឡើងដោយខ្វះការពិតបែបនេះ លោក សឹង គិរីវណ្ឌី ក្នុងនាមជានាយកទីចាត់ការផែនការវិនិយោគរបស់ខេត្តត្បូងឃ្មុំបានធ្វើការច្រានចោលទាំងស្រុងចំពោះការចុះផ្សាយដោយគ្មានក្រមសីលធម៌និងវិជ្ជាជីវៈបែបនេះនោះ។
លោកសឹង គីរីវណ្ឌី បានបន្តឲ្យដឹងទៀតថាលោកពុំបានប្រព្រឹត្តនូវអំពើពុករលួយ ឬក៏បើកដៃ និង មានបក្សពួកដែលជាក្រុមហ៊ុនដេញថ្លៃវិនិយោគមូលនិធិឃុំសង្កាត់របស់ខ្លួននោះឡើ។ ហើយម្យ៉ាងវិញទៀតលោកក៏ពុំដែលយកអំណាចទៅប្រើប្រាស់ដើម្បីបែងចែកភាគរយពីក្រុមហ៊ុនដែលបានម៉ៅការវិនិយោគមូលនិធិ ឃុំ សង្កាត់ ជាភាគរយនោះដែរ។
លោកបានបន្តហើយដឹងទៀតថាក្រោយពេលពីការចុះផ្សាយពីសំណាក់អ្នកព័ត៌មានមួយចំនួនតូចនោះរួចមកហើយ។ក្រសួងមហាផ្ទៃក៏ដូចជាក្រសួងសេដ្ឋកិច្ចនិងហិរញ្ញវត្ថុក៏ធ្លាប់បានចុះមកធ្វើអធិការកិច្ចទៅលើបញ្ហានេះដែរក៏ប៉ុន្តែការពិនិត្យទៅលើសំណុំរឿងនឹងឯកសារចំពោះបញ្ហានេះគឺពុំជាក់លាក់ដូចជាការភ្ជាប់ផ្សាយរបស់អ្នកយកព័ត៌មានមួយចំនួននោះដែរ។
លោក សឹង គីរីវណ្ឌី បានសំណូមពរជាចុងក្រោយ ចំពោះការសរសេរចុះផ្សាយព័ត៌មានពីសំណាក់អ្នកព័ត៌មានមួយចំនួនតូចនោះថា សូមឲ្យប្រកាន់ខ្ជាប់ឲ្យបានល្អប្រសើរចំពោះអាជីពនិងវិជ្ជាជីវៈរបស់ខ្លួនឲ្យបានត្រឹមត្រូវផង ។ ការសរសេរព័ត៌មានដែលមិនមានភាពជាក់លាក់ពិតប្រាកដច្បាស់លាស់នោះ ធ្វើឲ្យមជ្ឈដ្ឋានទូទៅមានការភាន់ច្រឡំនឹងវាយតម្លៃមកលើមនុស្សដែលពុំបានប្រព្រឹត្តខុសនោះឡើយ ៕
