កំពង់ស្ពឺ៖ ជនសង្ស័យដៃដល់ជាបងថ្លៃ បានយកពូរថៅកាប់ប្អូនថ្លៃ បណ្តាលឲ្យរងរបួសធ្ងន់និងស្លាប់នៅពេលដែលបញ្ជូន ទៅសង្គ្រោះហើយបានស្លាប់នៅក្នុងមន្ទីរពេទ្យ ។
ជនដៃដល់ព្យាយាម រត់គេចខ្លួនចូលព្រៃ ក្រោយពីធ្វើសកម្មភាពកាប់ជនរងរួច ត្រូវបានកម្លាំងនគរបាលស្រុកគងពិសីតាមឃាត់ខ្លួនបាន។
នគរបាលខេត្តកំពង់ស្ពឺបានឲ្យដឹងថា ក្រោយជនសង្ស័យធ្វើសកម្មភាពកាប់ជនរងគ្រោះរួចបាន រត់គេចខ្លួនចូលព្រៃ ។
ទើបកម្លាំងជំនាញស្រាវជ្រាវស្វែងរកជនសង្ស័យឈ្មោះផែង នីនី ភេទប្រុសអាយុ៤៧ឆ្នាំ មានមុខរបកសិករ រស់នៅភូមិព្រៃទទឹង ឃុំព្រះនិព្វាន ស្រុកគង់ពិសី រហូតឃាត់ខ្លួនបានកាលពីថ្ងៃទី១ខែមេសាឆ្នាំ២០២៥ ។
លោកបានបន្តទៀតថា ក្រោយពីឃាត់ខ្លួន ជនសង្ស័យបានហើយ ជំនាញបានសាកសួរ ពីដំណើររឿងជនសង្ស័យ បានសារភាពថា ពិតជាបានយកពូថៅ កាប់ទៅលើជនរងគ្រោះ ឈ្មោះឃ្លោក គឹមសាន (ហៅនាង) ភេទប្រុសអាយុ៤៤ឆ្នាំ មុខរបរលក់ដូរ(នៅភូមិព្រៃទទឹង) (ជាប្អូនថ្លៃ) បណ្តាលឲត្រូវក្បាល់ រងរបួសធ្ងន់ ត្រូវបានក្រុម គ្រួសារបញ្ជូនទៅសង្គ្រោះនៅ មន្ទីរ ពេទ្យកាល់ម៉ែតក្រុងភ្នំពេញ រួចស្លាប់នៅមន្ទីពេទ្យ ។
នគរបាលបានបន្តថា មូលហេតុដែលឈានទៅដល់កាប់សម្លាប់គ្នានោះគឺ បុរសទាំងពីរនាក់ធ្លាប់មានគំនុំនឹងគ្នា ដោយជនសង្ស័យជាមនុស្សញៀនស្រា។
បច្ចុប្បន្នជនសង្ស័យត្រូវកម្លាំង ជំនាញកសាងសំណុំរឿង បញ្ជូនទៅសាលាដំបូង ខេត្តចាត់ការតាមនិតិវិធី។
សូមរំលឹកផងដែរថាកាលពីថ្ងៃទី៣០ ខែមីនាឆ្នាំ២០២៥កន្លងទៅវេលាម៉ោង៣និង៤០នាទីមានករណីហិង្សាដោយចេតនាមានស្ថានទម្ងន់ទោសនៅចំណុចភូមិព្រៃទទឹង ឃុំព្រះនិព្វាន ស្រុកគងពិសី បង្កដោយជនសង្ស័យឈ្មោះ ផែង នីនី ភេទប្រុសអាយុ៤៧ឆ្នាំបានយកពូថៅកាប់ជន រងគ្រោះឈ្មោះឃ្លោក គឹមសាន ភេទប្រុសអាយុ៤៤ឆ្នាំចំនួន៣ពូថៅចំក្បាល់ប ណ្តាលឲ្យរងរបួសធ្ងន់ ត្រូវបានក្រុមគ្រួសារបញ្ជូនទៅសង្គ្រោះ នៅឯមន្ទីរ ពេទ្យកាល់ម៉ែតរាជធានីភ្នំពេញ តែអកុសល់ជនរងគ្រោះ ស្លាប់នៅមន្ទីរពេទ្យតែម្តង៕
ដោយ:ហេង រិន
