កំពង់ចាម៖ និស្សិតពេទ្យស្រី២នាក់ជាបងប្អូនបង្កើតឈ្មោះ ប្រាច ចន្ទ្រា និង ប្រាច ចិត្ត្រា ត្រូវរថយន្តបែនដឹកដីបុកស្លាប់យ៉ាងអាណោចអាធ័មបំផុត កាលពីថ្ងៃទី២៨ ខែមីនា ឆ្នាំ២០២៥កន្លងទៅ នៅក្រុងកំពង់ចាម ខេត្តកំពង់ចាម ពេលដែលពួកគេទាំង២នាក់ កំពុងឌុបគ្នាទៅរៀន តែមកដល់ពេលនេះទាំងរថយន្តបង្ក និងអ្នកបើករថយន្តមិនទាន់ត្រូវបានចាប់ខ្លួនបាននោះទេ។
នារីរងគ្រោះទាំង២នាក់ ដែលកំពុងស្ថិតក្នុងវ័យសិក្សារស់នៅភូមិក្រសាំងខ ឃុំសាន់គ ស្រុកកំពង់ស្វាយ ខេត្តកំពង់ធំ ប៉ុន្តែពួកគេបានបន្តការសិក្សានៅសកលវិទ្យាល័យកំពង់ចាម ផ្នែកគ្រូពេទ្យដោយបងស្រីរៀននៅឆ្នាំទី៣ និងប្អូនស្រីរៀននៅឆ្នាំទី២។
ពេលដែលពួកគេទាំង២នាក់ បងប្អូនកំពុងឌុបគ្នាទៅរៀននោះ ស្រាប់តែបានជួបគ្រោះថ្នាក់ចរាចរណ៍បង្កឡើងដោយរថយន្តបែនដឹកដីធន់ធំបើកមកបុក និងកិនពីលើទាំងពីរនាក់យ៉ាងអាណោចអាធ័មជាទីបំផុត៕
ដោយ:កំពង់ចាម
