នាយករដ្ឋមន្ត្រីកម្ពុជា សម្តេចធិបតី ហ៊ុន ម៉ាណែត បង្ហើបថា ប្រហែលពីរសប្តាហ៍ទៀត ថ្នាក់ដឹកនាំជាន់ខ្ពស់ របស់ចិន គឺ ឯកឧត្តមប្រធានាធិបតី ស៊ី ជីងពីង នឹងមកទស្សនកិច្ចផ្លូវការនៅកម្ពុជា។
សូមជំរាបថា ឯកឧត្តមប្រធានាធិបតី ស៊ី ជីងពីង តាមកម្មវិធី និងមានគម្រោងទស្សនកិច្ចផ្លូវការ មកកាន់បីប្រទេស គឺ ម៉ាឡេស៊ី វៀតណាម និងកម្ពុជា ដែលបង្ហាញ អំពីភាពរឹងមាំ នៃមិត្តភាពរបស់កម្ពុជាចិន។ បើតាមសម្តេចធិបតី នៅក្នុងមួយរយៈនេះ គឺឃើញមានការអត្ថាធិប្បាយពី កាសែតផ្សេងៗ អំពីទំនាក់ទំនងកម្ពុជា ចិន ដែលគេបាន អត្ថាធិប្បាយថា ទំនាក់ទំនងកម្ពុជា រដ្ឋាភិបាល ជាពិសេសរដ្ឋាភិបាលថ្មីរបស់កម្ពុជា ជាមួយនិងរដ្ឋាភិបាលចិន គឺមានការធ្លាក់ចុះជាគំហុក។ សម្តេចថា រឿងនេះ សូមមិនបកស្រាយទេ អ្វីដែលសំខាន់ សកម្មភាពជាក់ស្តែង ការសម្ពោធ និងការហ្វឹកហ្វឺនរួមគ្នា ក៏ដូចជាទស្សនកិច្ចផ្លូវការ របស់ប្រមុខកំពូលរដ្ឋាភិបាលចិន គឺបានបញ្ជាក់សព្វគ្រប់ទៅហើយ បើអ្នកមិនយល់ទៀតមិនដឹងថាពន្យល់យ៉ាងម៉េចទេ៕ដោយ:សុខ សុភ័ណ្ឌ
