អាជ្ញាធរដុតកម្ទេចចោលដើមកញ្ឆាជាង១០០០០ដើមនៅស្រុកអន្លង់វែង

អាជ្ញាធរដុតកម្ទេចចោលដើមកញ្ឆាជាង១០០០០ដើមនៅស្រុកអន្លង់វែង
(ខេត្តឧត្តរមានជ័យ)អាជ្ញាធរនិងកម្លាំងសមត្ថកិច្ច បានដុតកម្ទេចចោលដើមកញ្ឆាស្រស់ជាងចំនួន១០០០០ដើមនិងកញ្ឆាក្រៀមចំនួន៣៦គីឡូក្រាម នូវថ្ងៃទី៧ ខែកក្កដា ឆ្នាំ២០២១។បន្ទាប់ពីបានធ្វើការបង្ក្រាបកាលពីចុងសប្តាហ៍កន្លងមកនេះ នៅលើទីតាំងដីចំការស្វាយមួយកន្លែង ស្ថិតក្នុងភូមិអូរតាមែង.ឃុំ.ស្រុកអន្លង់វែង។
បញ្ជាក់ថា ពាក់ព័ន្ធដំណាំកញ្ឆាខុសច្បាប់នេះ ដោយមានការសម្របសម្រួលនីតិវិធី ពីព្រះរាជអាជ្ញា នៃអយ្យការអមសាលាដំបូងខេត្ត លោកស្នងការនគរបាល បានដឹកនាំកម្លាំងកងអន្តរាគមន៍របស់ស្នងការដ្ឋាន  សហការកម្លាំងអធិការដ្ឋាន ស្រុកអន្លង់វែង បានចុះធ្វើការបង្ក្រាបទីតាំងចំការស្វាយ មួយកន្លែង ដែលជនសង្ស័យបានលួចបង្កប់ដាំដំណាំកញ្ឆាខុសច្បាប់នេះ លើដីមានទំហំ៥,៥០០ម៉ែត្រការ៉េ។ឃាត់ខ្លួនជនសង្ស័យប្រុស ស្រី ចំនួន៣នាក់ និងធ្វើការដកហូតបាននូវ៖ កញ្ឆាក្រៀមចំនួន៣៦ គីឡូក្រាម កញ្ឆាស្រស់ចំនួន១២៥០០ដើម, រថយន្ត១ គ្រឿង, គោយន្តកន្ត្រៃ ១គ្រឿង. និងសម្ភារមួយចំនួនទៀត។បច្ចុប្បន្នជនសង្ស័យប្រុសស្រី៣នាក់ត្រូវបានបញ្ជូនទៅតុលាការចាត់ការតាមនីតិវីធីហើយដែរ។